25-maı 1974 jyl

"Erte-ertede Neron patsha ómir súrgen. Jurt ony aqymaq dep ataýǵa daǵdylanyp ketken. Shynynda da ol sondaı boldy ma, men onysyn bilmeımin. Biraq men ony óz sózi arqyly bilemin jáne tereń túsinemin. «O! Qandaı uly akter ólip barady!» — onyń búkil ómiriniń dáni sol sózinde. Ol qansha aqymaq bolsa da, óz qalaýynsha ómir súrmegen adamnyń shyn júrekten moıyndaýy. Biz bárimiz — artıspiz, tipti usaq-túıek te de..."

("Muqaǵalı kúndeliginen")

Muqaǵalı atamyzǵa jyr arnaǵan, án arnaǵan, sýretin salyp, músinin qashaǵan qazaq kem de kem... Kúlli qazaq Muqaǵalıdyń bir óleńin jatqa bilmese de, esimin estigennen-aq kim ekenin birden bileri anyq! Sonyń ózi - moıyndaý! Onyń uly aqyn, dara tulǵa, birtýar Qazaq ekenin moıyndaý!

***

Ǵajap netken...

Aspantaýdyń etegin meken etken,

Qarasaz Hantáńirli qutty meken!

Baýyrynda ór Muqań týyp-ósip,

Qarlyǵashtaı alysqa ushyp ketken.

Bar ma amaly...

Talmaı qanat aralap saı-salany,

Jyrymen sýsyndatty en dalany.

Qaıyrdy da quzǵyndar qaýyrsynyn,

Qarlyǵash jazylmastaı jaralandy.

Qaýqarsyz jarystyń ba...

Soryńa óleń baq bop jabysty da,

İshtarlardyń jaqtary qarysty da.

Óleńińniń ózegin biteı almaı,

Seni óshirdi, aqyry, alysty da!

Myń súrindi...

Óleńim dep umtylǵan jyr-kúshińdi,

Seniń názik janyńdy kim túsindi?!

Barynda baǵalamas baılyqtaryn,

Bul qazaq joǵaltqan soń kesh kúrsindi.

Qanatyń taldy ma shyn...

Qara óleńniń qaıystyryp qabyrǵasyn,

Qaıda kettiń, Qarasazdyq qarlyǵashym?!

Degenine jetti de qas-dostaryń,

Aqyry qabirińe saldy ma shyn?!

Sen qashpadyń...

Kóre almaǵan ózen-kól, taý-tastaryń,

Samǵap ushyp jete almaǵan kók aspanyń,

Bárin jıyp amanat qyp qaldyryp,

Bolashaqqa júk artyp sen tastadyń.

Ómiriń muńmen ótti...

Jete almaǵan jerińe jyryń jetti,

Aıtqyń kelgen ishtegi syryń jetti.

Ózińdi ańsap, kórýge yntyq bolǵan,

Qazaqtyń bar jerine úniń jetti.

Qane, bar kim...

Keldi, keler túrli aqyndar súıer halqyn,

Este saqtap, urpaq jattap alar atyn...

Áıtkenmen de, týylmaıdy qazaqta endi,

Muqań syndy Muzbalaq, Arda Aqyn!!!

Maqpal Sembaı